Линктер

logo-print
жекшемби, 04-декабрь, 2016 Бишкек убактысы 18:44

Ачык асман алдындагы кинотеатр облустарды кыдырат


Кыргызстанда ачык асман алдында кино көрсөткөн долбоор башталууда. Демилгечиси - Кыргыз-Түрк "Манас" университетинин студенти Мелис Абдибаитов. Ал бүгүн "Азаттыкка" маек куруп, Open air cinema долбоору тууралуу айтып берди:

- Дүйнө жүзүнө тартууланган "Курманжан датка" тасмасын көрдүңүзбү деп апамдан сурасам, көрө албай калганын айтты. Ошондо мен эмне үчүн айыл жергесиндегилер кино көрө албайт деп ойлондум.

Мелис Абдибаитовдун демилгесин BARGEC старт-ап компаниясы жана "Кыргызфильмофонд" мамлекеттик ишканасы колдоду.

Бүгүн кечинде алгачкы тасма Бишкектеги "Асанбай" паркында, 25-26-июнда "Ататүрк" паркында, андан кийин "Ала-Тоо" аянтанда көрсөтүлөт. 3-июлдан 22-августка чейин Open air cinema Кыргызстандын бардык облусун кыдырып чыгат. Демилгечилердин айтымында, ар бир шаарда ар башка, бирок адамды жакшылыкка үндөгөн, жагымдуу маанай тартуулаган тасмалар тартууланат. (RK)

Азаттык Фейсбукта

XS
SM
MD
LG