Бишкекте ачык асман алдында элге кино көрсөтүү боюнча Open air cinema өнөктүгү жүрүп жатат. “Асанбай” жана “Ата-Түрк” сейил бактарына чоң монитор орнотулуп, адамдарга кино көрсөтүлүүдө.
Бул демилге кыргыз-түрк “Манас” университетинин студенти Мелис Абдибаитовго таандык. Ал адамдар арасында кино көрүү аркылуу жакындыкты, бекем ымаланы жандантуу максатын көздөгөнүн айтат. Долбоорду BARGEC компаниясы менен "Кыргызфильм фонду" мекемеси колдоого алган.
Open air cinema өнөктүгү 23-июндан 22-августка чейин уланат. (SE)