Бишкектин Свердлов районундагы 2 жарым гектар жерде өскөн жапайы кара куурай жок кылынды. Эки тоннага чукул кара куурай толугу менен өрттөлдү. Бул акция 26-июнда белгиленген Баңгизатына каршы күрөшүүнүн эл аралык күнүнө карата уюштурулуп, ведомство аралык “МАК-2015” планын алкагында Бишкек шаардык ички иштер башкармалыгы менен биргеликте өткөрүлдү.
БУУ 1987-жылы 26-июнду Баңгизатына каршы күрөшүүнүн эл аралык күнү катары белгилеген. Анда баңгизатына карата суроо-талапты азайтуу, баңгизатын жок кылуу маселесине коомчулуктун көңүлүн буруу максат кылынган. (AzK)
