Латын Американын кубогунда Аргентина курамасы жарым финалдык оюнда Парагвайды 6:1 эсеби менен утту. Оюндун башында эле демилгени алган Лионель Мессинин командасы аягына чейин артыкчылыкты берген жок. Аргентинанын капитаны Месси бир да гол киргизбегени менен, көпчүлүк учурда голдук чабуулга катышып жатты. Эми финалда Аргентина талаа ээлери Чили менен кубок үчүн ойнойт.
Чили 29-июнда Перуну утуп алган эле. 3-июлда үчүнчү орун үчүн Перу жана Парагвай командалары ойносо, 5-июлда Латын Американын чемпиону ким болору аныкталат. (SJu)
