АКШ менен Куба ортосундагы дипломатиялык мамилелер 20-июлда расмий түрдө кайра жанданат. Муну шаршембиде эки өлкөнүн президенттери тастыкташты. Ортодогу мамилелер мындан 50 жыл илгери үзүлгөн.
АКШ президенти Барак Обама келечек өткөндүн барымтасында кала бербеши керек деп белгиледи. Президент Конгрессти Кубага каршы санкцияларды алып салууга үндөдү. Мамлекеттик катчы Жон Керри 20-июлга чейин Кубага бармакчы. Анын айтымында, айрым тоскоолдуктар кала бергени менен тараптар кызматташчу чөйрөлөр көп.
Жакында өткөрүлгөн сурамжылоолор америкалыктардын көбү арал менен мамилелерди оңдоону колдошоорун көргөзгөн.
