Бир нече сааттан кийин гректер өлкөнүн Европа биримдигинен чыгуусу үчүн пикирлерин жана мамлекет үчүн дагы карыз алууга макул же каршы экендиктерин референдум аркылуу билдиришет.
Буга чейин Грециянын каржы министри Янис Варуфакис Испаниянын El Mundo гезитине берген интервьюсунда эл аралык насыячыларды “терроризмге” айыптаган. Кечээ, 3-июлда премьер-министр Алексис Ципрас Афиныда миңдеген тарапкерлеринин алдында сөз сүйлөп жатып референдумда “жок” деп добуш берүүгө үндөгөн. Ал өзүнүн каршылаштары утуп чыкса, кызматтан кетерин айткан. (КЕ)
