Полицияга кошумча күчтөр, суу аттыргыч техника аянтка жакын көчөлөргө коюлду. Бул тууралуу “Интерфакс” агенттиги маалымдап, түндө да ондогон кишилер аянтта кала бергенин жазды. Акциянын айрым катышуучулары ачкачылык жарыялашууда, кээ бир маалыматтар боюнча арасында оозун тигип алгандары да бар.
Демонстранттар аянттан бейшембиге чейин кетпей турушарын айтышты. Активист Нарек Айвазян чогулгандарга “Бейшембиде нааразылык аракеттердин акыркы чечимдери кабыл алынат” деп айтты.
