Линктер

шаршемби, 7-декабрь, 2016 Бишкек убактысы 19:11

Кыргыз-тажик чек ара башчылары курал колдонбоо боюнча макулдашты


Мамлекеттик чек ара кызматынын башчысы Райымберди Дүйшөнбиев Тажикстандын башкы чек арачысынын орун басары Ражабалы Рахмонали менен жолугушуп, мындан ары куралдуу кагылыштарды болтурбоо тууралуу документке кол коюшту.

Сүйлөшүүлөр 8-июлда Тажикстандын Исфара шаарында болгонун “Азаттыкка” Мамлекеттик чек ара кызматынын коомчулук менен байланышуу бөлүмүнүн өкүлү Сажира Чоколоева билдирди:

- Эки тараптуу жолугушуунун жыйынтыгында аскерлер бири бирине жана жарандарга мындан ары курал колдонбоо боюнча макулдашууга кол коюлду. Чыр-чатак чыккан учурда эки тараптуу документтердин негизги жоболорун үйрөтүү үчүн жоокерлерге окутууларды тез-тез өткөрүп туруу маселеси сүйлөшүлдү.

Аталган макулдашуу 11-июлдан тарта күчүнө кирет.

Буга чейин кыргыз-тажик чек арасында куралдуу кагылыштар көп катталган. 6-июль күнү да Көчө-Карын жергесинде аскерлер аткан октон бир тажик жараны көз жумган. (SE)

Азаттык Фейсбукта

пикирлерди көрсөт

XS
SM
MD
LG