Кыргызстан Индия менен Пакистандын Шанхай кызматташтык уюмуна мүчө болуп киришин толук колдойт. Ошондой эле Беларус мамлекетине байкоочу - өлкө макамын, Азербайжан, Армения жана Камбоджага ШКУ боюнча өнөктөштөр макамын берүүгө Бишкек макул экендигин Алмазбек Атамбаев бүгүн Уфада өтүп жаткан саммитте айтты. Бул ирет ШКУнун саммитинде кеңейүү планы талкууланууда.
Уюмга азыр Кыргызстан, Казакстан, Кытай, Орусия, Өзбекстан жана Тажикстан мүчө, Монголия, Индия, Иран, Пакистан жана Ооганстан байкоочу макамга ээ. 2014-жылы Пакистан менен Индия ШКУга кирүү туралуу арызын берген. (SE)
