Линктер

бейшемби, 8-декабрь, 2016 Бишкек убактысы 11:54

Лотерея бизнесинин салыгын көбөйтүү сунушталууда


Вице-премьер-министр Валерий Диль он пайыз киреше салыгы лотерея бизнеси үчүн төмөн экенин белгилейт. Анын айтымында, салыктын бул түрүн отуз пайызга чейин көбөйтүү керек. Бул тууралуу вице-премьер 18-июлда Мамлекеттик финансылык көзөмөл кызматынын жыйынында билдирди деп маалымдайт өкмөттүн басма сөз кызматы.

- Эгерде өкмөт аталган бизнеске киреше салыгынын пайызын жогорулата алса, бул бизнеске тыюу салбоо керек, – деди Валерий Диль.

Кыргызстанда лотерея сатууга жана ойнотууга тыюу салган мыйзам долбоору сунушталып, коомдук талкууга чыгарылган. Аны “Ар-намыс” фракциясынан депутат Майрамбек Расулов жана КСДП фракциясынан Төрөбай Зулпукаров сунуштаган. Кыргызстанда 15 компанияга лотерея билеттерин ойнотуу боюнча лицензия берилген. Жалпысынан билеттердин ар түрдүү 35 түрү ойнотулат. (TSh)

Азаттык Фейсбукта

XS
SM
MD
LG