Президент Алмазбек Атамбаевдин жарлыгына ылайык, 20-июлдан тартып Биринчи Май райондук сотунун курамы толугу менен өзгөрдү. Сотторду тандоо кеңеши сунуш кылган 14 талапкердин ичинен аңгемелешүүнүн натыйжасында президент 12 талапкерди райондук соттун курамына дайындады.
Жаңы курамдын катарына мурда иштеген 14 судьянын бешөө өттү, жаңы 7 судья келди, анын бешөө мурда сот системасында иштеген эмес.
Бул тууралуу президенттин басма сөз кызматы билдирди. (ZKo)
