Кыргызстандын президенти Алмазбек Атамбаев менен Түркмөнстан президенти Гурбангулы Бердымухамедов Түбөлүк отко гүлчамбар коюшуп, Улуу Ата Мекендик согушта курман болгондорго таазим кылып эскеришти.
Бул тууралуу Кыргызстан президентинин маалымат кызматы кабарлады.
Түркмөн өлкө башчысы 5-августта Кыргызстанга мамлекеттик иш сапар менен келген. Эки тараптуу жолугушууда кызматташтык боюнча 15 документке кол коюлду. Алардын ичинде маданият, айыл чарба, саламаттык сактоо, туризм жана башка тармактар бар.
Иш-сапар 6-августта аяктап, Г. Бердымухамедов өз өлкөсүнө кайтып кетет. (МТо)
