"Нарын облусу - Улуу жибек жолундагы трансулуттук экономикалык түйүн" деген аталышта бүгүн Кочкор айылында III эл аралык форум өтүп жатат.
Өкмөттүн облустагы өкүлчүлүгү уюштурган бир күндүк иш-чарада жергиликтүү бийлик өкүлдөрү жана жеке ишкерлер өздөрүнүн бизнес долбоорлорун инвестчилерге сунуштайт. Форумдун аягында эки тараптуу келишимдерге кол коюлат.
Форумга Казакстан, Орусия жана Беларус өлкөлөрүнүн элчилери, Кытай Эл республикасынын Кашкар өрөөнүнөн келген экономика адистери, Жогорку Кеңеш депутаттары жана башка облустардан келген бийлик өкүлдөрү катышууда. (MiK)
