Бүгүн Санкт Петербург соту Михаил Глущенкону Мамдума мүчөсү, Орусия демократиялык партиясынын жетекчилеринин бири Галина Страровойтованы өлтүрүүнү уюштурган деп тапты.
Старовойтова 1998-жылы 20-мартта Санкт Петербургдагы үйүнүн жанында атып өлтүрүлгөн. Экс-депутат М. Глущенко опузалап акча алган деп айыпталып, 2013-жылы 8 жылга соттолгон. Ал быйыл мартта тергөөчүлөр менен кызматташууга макулдук берип, Старовойтованы Владимир Барсуков деген бизнесмендин тапшырмасы боюнча атканын мойнуна алган.
2005-жылы бул ишке байланыштуу бир киши 20 жылга, экинчи киши 23,5 жылга эркинен ажыратылган. Барсуков оболу Старовойтованын өлүмүнө тиешеси жок башка иш боюнча кармалып, кийин коё берилген.
