Москвада кыргызстандык 22 жаштагы жаран киши өлтүрүүгө аракеттенген деген шек менен суракка алынууда. Орусиянын маалымат булактары күч органдарына таянып кабарлагандай, ал коомдук тартипти олуттуу даражада бузганы жана жергиликтүү телеканалдардын биринде иштеген журналист айымды өлтүрөм деп коркутканы үчүн кармалган.
Маалыматтарга караганда, кыргызстандык атуул 28-август күнү жергиликтүү телеканалдардын биринде иштеген журналистти бычак менен коркуткан. Ал ошол эле күнү кармалып, соттун чечими менен үй камагына чыгарылган. Тергөө амалдары уланууда. (SE)
