Мындай маалыматты аталган партиянын саясий кеңеш төрагасы Абжапар Аккулов 4-сентябрда таратты. Көчө жыйынга чыкпоо чечимин "Улуттар биримдиги" саясий партиясынын жыйыны кабыл алган.
Аккуловдун айтуусунда, "Улуттар биримдиги" "Ата Мекен" партиясы менен бирге парламенттик шайлоого барат. Мурда кабарлангандай, мөөнөтсүз митинг өткөрүлбөйт. Бирок үгүт иштери учурундагы жолугушууларда бийликтин Мырзакматовго жана Текебаевге карата жасаган кысымдары сындалып, наразылыктар айтыла берет. Улуттар биримдиги партиясынын 40 мүчөсү Ата Мекен партиясынан сунушталган тизмедеги 200 талапкердин катарына кирген.(YI)
