7-сентябрда Кыргызстандын премьер-министри Темир Сариев Беларустун өкмөт башчысы Андрей Кобяков менен жолукту. Жолугушууда эки өлкө ортосундагы соода-экономикалык кызматташтыкты өнүктүрүү талкууланды.
«Кыргызстандын Евразия экономикалык биримдигине толук укуктуу мүчө болуп кирүүсүн Беларустун колдоого алганы учун ыраазычылык билдирем" - деген Сариев эки тараптуу кызматташууда көп мүмкүнчүлүктөр ачылгандыгын айтты. Беларус тарап Кыргызстан менен айыл чарба техникаларын сатуу боюнча кызматташууга даяр экенин премьер Кобяков белгиледи.
Премьер-министр Сариев Беларустун Гродно шаарына Евразиялык өкмөт аралык кеңештин кезектеги жыйынына катышууда. 8-сентябрдагы жыйында ЕАЭБдин ишмердүүлүгүн жакшыртууга багытталган маселелер каралары кабарланды.
