Жусуп Баласагын атындагы Кыргыз улуттук университетинде структуралык өзгөрүүлөр уланууда. Ректордун буйругу менен Педагогикалык кадрлардын максаттуу даярдоо институту факультет болуп калды, дагы үч институтту бириктирүү жолу менен Информациялык жана инновациялык технологиялар факультети ачылды.
Август айында да жаңы ректор Чынара Адамкулованын демилгеси менен ири өзгөрүүлөр жүрүп, окуу жайдын алдындагы өз алдынча укуктук жак катары иштеп келаткан 6 институт ректорго түздөн-түз баш ийген факультеттерге айланган болчу. (RK)
