Линктер

ишемби, 10-декабрь, 2016 Бишкек убактысы 13:40

13-сентябрда аба ырайы кескин өзгөрөт


Жекшемби, 13-сентябрда Кыргызстандын аймагында аба ырайы кескин өзгөрөт. Синоптиктердин маалыматына караганда, 15-сентябрга чейин маал-маалы менен жаан жаап, айрым жерлерде күн күркүрөп, тоолуу райондордо кар жаайт. Кээ бир райондордо жаан-чачын катуу болот. Бийик тоолуу аймактарда унаа жолдору тоңголок, тайгак болот. 13-14-сентябрда батыш тараптан келген шамалдын ылдамдыгы секундасына 17-22 метрге жетет.

Абанын температурасы төмөндөйт: Чүй, Талас өрөөндөрүндө 13-сентябрда күндүз 15…20°, 14-15-сентябрда түнкүсүн 3…8°, күндүз 12…17° жылуу болот. Ош, Жалал-Абад облустарынын өрөөндөрүндө жана Баткен облусунун дыйканчылык аймактарында 14-15-сентябрда түнкүсүн 7…12°, күндүз 17…22° жылуу болот. Ысык-Көл, Нарын облустарынын дыйканчылык аймактарында жана тоо этектеринде 14-15-сентябрда түнкүсүн 1…6°, күндүз 10…15° жылуу, тоолуу райондордо түнкүсүн 0…5° суук, күндүз 6…11° жылуу.

Мындай жаан-чачындуу аба ырайы айыл чарба иштерин, автоунаа, энергетика жана коммуналдык кызматтардын ишин, жайыттарда мал кармоону кыйындатат.

Бүгүн республиканын аймагында абанын температурасы 30 градустун тегергинде болуп жатат.

Азаттык Фейсбукта

XS
SM
MD
LG