Линктер

жума, 9-декабрь, 2016 Бишкек убактысы 10:15

Казакстанда кулчулукка кабылган кыргыз келин табылды


Иллюстративдик сүрөт

Иллюстративдик сүрөт

Казакстанга кулчулукка сатылып кеткени айтылган Бактыгүл Кошонова 8 жаштагы уулу менен 10-сентябрда Алматы шаарындагы кыргыз консулдугуна келди. Өзгөчө кырдаалдар министрлигинен кабарлашкандай, ал мал багып жүргөн жеринен качып кетип, куруучулар иштеп жаткан жерде аларга тамак-аш жасап, акча топтогон. Алган 30 миң теңге эмгек акысы менен Алматыга келип, кыргыз элчилигинин консулдугуна барган.

Бактыгүл Кошонова быйыл 27-августта Өзгөчө кырдаалдар министрлигине телефон чалып, Казакстанда кулчулукта жүргөнүн айтып жардам сураган.

Ал 33 жашта. Ош облусунун Араван районуна караштуу Төө-Моюн айылында төрөлгөн. Жети жыл мурда колундагы ымыркайы менен Казакстанга кулчулукка сатылып кеткен.

Быйыл февраль айында да Алматыда кулчулукта жүргөн 25 жаштагы кызды "Замандаш" бирикмесинин өкүлдөрү куткарган эле. (SE)

Азаттык Фейсбукта

XS
SM
MD
LG