Линктер

жума, 24-февраль, 2017 Бишкек убактысы 06:00

Кыргызстандыктардын маалымат технологиясын колдонуу көрсөткүчү жакшырды


Маалымат технологияларын колдонуу боюнча бүткүл дүйнөлүк экономикалык форумдун баяндамасында Кыргызстан өткөн жылдарга салыштырмалуу бир кыйла жакшы көрсөткүчкө жеткени айтылат.

143 мамлекет боюнча жүргүзүлгөн изилдөө жыйынтыгында Кыргызстан 98-орунду ээледи. Казакстан 43-орунга түшүп, былтыркы позициясынан эки тепкич ылдыйлаган. Азербайжан 57-орунду алганы менен, бир жыл мурункуга салыштырмалуу 8 тепкич артка кеткен. Тажикстан 117-орунду ээлеген.

Алдыңкы үч орунда - Сингапур, Финляндия жана Швеция.

Маалыматтык технологиялар боюнча баяндаманы Бүткүл дүйнөлүк экономика форму INSEAD бизнес мектеби менен биргелешип 2002-жылдан бери даярдайт. Бул изилдөө мамлекеттердин өнүгүү багытын баалоодо пайдаланылат. (SE)

Сиздин пикир

пикирлерди көрсөт

Азаттык Фейсбукта

XS
SM
MD
LG