Линктер

бейшемби, 8-декабрь, 2016 Бишкек убактысы 00:27

Башкы прокуратура талапкерлерге кылмыш ишин козгоо боюнча түшүндүрмө берди


Башкы прокуратура талапкерлерге карата кылмыш иш козголушунун шайлоого тиешеси жоктугун билдирди. Мурдараак “Бир Бол” партиясы муну үгүт маалындагы атайын бут тосуу катары белгилеген.

Башкы көзөмөл мекемеси Борбордук шайлоо комиссиясына 9-сентябрда кайрылып, парламенттик шайлоого катышып жаткан Жогорку Кеңеш депутаты Карганбек Самаковду, мурдагы өкмөт башчы Игорь Чудиновду жана мурдагы биринчи вице-премьер-министр Искендербек Айдаралиевди жоопко тартууга уруксат берүүнү өтүнгөн.

2008-жылы өкмөт Чүй облусунда Карганбек Самаковго тиешелүү 262 гектар айыл чарба жерин турак жай тилкесине айландырып, там салууга уруксат берген. Чудинов ошондо өкмөттү башкарып турган, Айдаралиев биринчи вице-премьер болгон.

Прокуратура жерлер мыйзамсыз сатылган деп, быйыл май айында Самаковго кылмыш ишин козгогон. 3-сентябрда өкмөттүн 2008-жылдагы токтому жокко чыгарылган.

Чудинов "Бир Бол" партиясынын тизмесинде үчүнчү, Самаков "Кыргызстан элдеринин конгрессинде" бешинчи, Айдаралиев "Замандаш" партиясында он төртүнчү орунда Жогорку Кеңешке талапкер катары баратышат. (SE)

Азаттык Фейсбукта

пикирлерди көрсөт

XS
SM
MD
LG