Линктер

logo-print
жекшемби, 04-декабрь, 2016 Бишкек убактысы 04:08

Кыргыз бийлиги Бакиевдин үйү боюнча Беларуска кайрылды


Марат Бакиевдин Раубичи кыштагындагы үйү

Марат Бакиевдин Раубичи кыштагындагы үйү

Мурдагы президент Курманбек Бакиевдин тун уулу Марат Бакиевдин Беларустун Раубичи кыштагындагы үйү боюнча маалыматты териштирүүнү суранып, Башкы прокуратура Беларус бийлигине кайрылды.

Аталган мекемеден “Азаттыкка” билдиришкендей, буга чейин да ушундай суроо-талап жөнөтүлүп, бирок беларус тарап өлкөдө Марат Бакиевдин аты-жөнү же ага тиешелүү мүлк катталган эместигин айткан.

“Азаттыктын” беларус кызматы Раубичи кыштагындагы үч кабат хан сарайдын сүрөттөрүн жарыялап, анда Марат Бакиев үй-бүлөсү менен бирге жашарын, ага чейин Березин коругунда президенттик апартаментте жашашканын жазган. Жергиликтүүлөрдүн айтымында, анын үйүнө атасы Курманбек Бакиев, агасы Жаныш Бакиевдер үй-бүлөсү менен келип-кетип турушат.

Беларус президенти Александр Лукашенко 2010-жылдын августунда Кыргызстандан качып барган Бакиевдерге ак сөөктөр жашаган Веснинка аймагынан элиталык үй бөлүп берген болчу.

45 жаштагы Марат Бакиев 2010-жылдын 7-апрелине чейин УКМК төрагасынын орун басары болуп иштеп турган. Аны сот 90дон ашык адамдын өлүмүнө байланыштуу 22 жылга сыртынан соттогон.

Курманбек, Жаныш жана Максим Бакиевдер да сыртынан кесилип, 5 жылдан бери эл аралык издөөдө. Беларус Кыргызстандын аларды экстрадициялоо боюнча талабын четке кагып. (SE)

Азаттык Фейсбукта

XS
SM
MD
LG