Орусия Украинанын Луганск облусуна чектеш аймакка эң ири экинчи аскер базасын курганы жатат. Reuters агенттигинин жазышынча база Воронеж облусундагы Богучар шаарчасы тарапта орун алат.
Маалыматка ылайык, он чакты казармадан турган база 5 миң аскер адамына жана 1300дөй аскер техникасына ылайыкташтырылат. Болочок аскер борбору Украина чегинен 45 чакырым узак жайгашат. Мындан мурдараак украин чегиндеги Орусиянын Сотоли кыштагында дагы бир база курулуп жатканы кабарланган болчу.
