Линктер

бейшемби, 8-декабрь, 2016 Бишкек убактысы 08:13

Иракта "кара тумоого" кабылгандар көбөйүүдө


Террордук топтордун кол салууларынан чарчаган ирактыктар эми "кара тумоого" каршы күрөш баштады. Илдет алгач баш калаа Багдаддан 25 чакырым алыстагы Абу-Гариб шаарында пайда болуп, учурда оору жуктургандардын саны 121 кишиге жетти. Саламаттык сактоо министрлиги 23-сентябрда билдиргендей, алардын төртөө каза тапты.

"Кара тумоо" ушул күндөрү Фират дарыясын бойлой түштүк облустарга ылдам тарап жатат. Илдет суу жана азык-түлүктөн жугарын адистер белгилешүүдө.

Көп жылдан бери согуш токтобой жаткан Иракта суу жана канализация тармактары эскирген.

Премьер-министр Хайдар ал-Абади тийиштүү органдарга ооруну алдын- алуу, жайылтпоо үчүн бардык чараларды көрүү тапшырмасын берди. Ошондой эле террорчулардан качып, баш калка издеп лагерлерде жашап жаткандарга бөтөлкөдө суу жеткирүү милдети коюлду. (SE)

Азаттык Фейсбукта

пикирлерди көрсөт

XS
SM
MD
LG