Евразия экономикалык биримдигине мүчө өлкөлөр 43 кызмат көрсөтүү тармагы боюнча биргелешип иш алып барышат. Бул тууралуу “Азаттыкка” Евразия экономикалык комиссиясынын мүчөсү Данил Ибраев билдирди.
Соода-сатык, курулуш-архитектура, оңдоп түзөө, инженердик жана башка тармактарда кызматташууга Кыргызстан 16-октябрдан тарта толук кошулат.
Ушул тармактар алкагында биримдик ичиндеги каалаган өлкөдө катталып, каалаган өлкөдө ишмердик жүргүзүүгө болот. Ал эми салыктар ишкер иштеген өлкөнүн эрежеси менен төлөнөт. (МТо)
