Линктер

бейшемби, 8-декабрь, 2016 Бишкек убактысы 22:42

Ташиев “Өнүгүү-Прогресстин” талапкерин сабап салганы айтылууда


“Өнүгүү-Прогресс” саясий партиясынын пресс-кызматынын өкүлү Тынычбек Мамаевдин айтуусунда, аталган партиядан талапкер Абдыманап Абдыбахаповду “Республика - Ата-Журт” партиясынын теңтөрагасы Камчыбек Ташиев сабап, натыйжада ал Жалал-Абад шаардык ооруканасына жаткырылган. Мамаевдин билдиришинче, окуя Сузак районунун Атабеков айылында болгон. Ташиев “Өнүгүү-Прогресс” партиясынын штабына кирип келип Абдыбахаповго кол көтөргөн.

Бул маалыматты Жалал-Абад милициясынан “Азаттыкка” тастыкташты. Бирок кылмыш иши козголо элек. Учурда жабырлануучунун сабалгандыгы боюнча экспертизалык текшерүү жүрүп жатат.

Азырынча араздашуунун так себеби белгисиз. “Республика - Ата-Журт” партиясынын теңтөрагасы Камчыбек Ташиев бул боюнча комментарий бере элек. (TSh)

Азаттык Фейсбукта

пикирлерди көрсөт

XS
SM
MD
LG