Линктер

бейшемби, 8-декабрь, 2016 Бишкек убактысы 22:08

Бүгүн Ошто жүрөк күнү белгиленет


Ош шаарынын Алымбек Датка этнографиялык комплексинде бүгүн Бүткүл дүйнөлүк жүрөк күнүнө арналган иш чара өтөт. Бул тууралуу Ош шаардык мэриясынан маалымдашты. Салтанатта сергек жашоого үндөгөн баарлашуулар, профилактикалык текшерүүлөр өтүп, кардиолог-дарыгерлер акысыз кеңештерди беришет. Каалоочулар кан басымын текшерте алышат.

Акция ошондой эле ар кандай оюн-зоок жана музыкалык тамашалар менен да коштолот. Иш чара калкка жүрөк-кан тамыр ооруларынын кооптуулугун жана аны алдын алуу жолдорун үйрөтүү максатын көздөйт. Ага үй-бүлөлүк медициналык борборлор жана аймактагы медициналык мекемелердин өкүлдөрү, ошондой эле билим берүү мекемелери жана жергиликтүү бийликтер катышат.

Дүйнө элинин 40% кан басымы жогору. Жылына 9 миллиондон ашуун адам инфаркт жана инсульт дартынын айынан көз жумат. Ал эми Кыргызстан Орусия, Казакстан, Украина өлкөлөрү менен бирге жүрөк-кан тамыр оорулары, инсульт же мээдеги кан айлануунун бузулуусу боюнча дүйнөдө алдыңкы орунда турат. (ErN)

Азаттык Фейсбукта

XS
SM
MD
LG