Линктер

жума, 9-декабрь, 2016 Бишкек убактысы 12:31

Бишкекте шайлоону таза өткөрүү талабы менен митинг өтөт


Өндүрүш Токтонасыровдун акцияларынын бири

Өндүрүш Токтонасыровдун акцияларынын бири

Бүгүн Бишкекте Улуттук филармониянын маңдайына жарандык активист жана укук коргоочу Өндүрүш Токтонасыров митингге чыгат. Ал шайлоону таза өткөрүү, жөнү жок ызы-чууларды чыгарбоо, курулай убада бербөө талабын айтып, тос көтөрөт.

“Мурда-кийин криминалдык иштерге аралашкан, кылмыштуу топтун мүчөсү делген адамдар, алдамчылар, тоодой убада берген “азаматтар” парламентке келбей эле койгула деген каалоомду айтам”, - дейт Токтонасыров.

Бүгүн ал мурдагы аракеч, азыр аракты таштап сергек жашоого үндөгөн адамдын образы менен чыгат.

Кыргызстанда парламенттик шайлоо 4-октябрда өтөт. Ага 14 партия ат салышууда. Буга чейин БШК партия тизмелериндеги 200дөн ашуун талапкерге мурда-кийин кылмыш иши козголгонун билдирген. Айрымдары уюшкан кылмыш топтору менен кызматташары айтылып келет. (КЕ)

Азаттык Фейсбукта

пикирлерди көрсөт

XS
SM
MD
LG