Линктер

жекшемби, 11-декабрь, 2016 Бишкек убактысы 00:39

Ошто колу жука кожолуктарга көмүр түшүрүп берүү жардамы башталды


Бул тууралуу «Элим барсыңбы?» кайрымдуулук фондунун Оштогу өкүлү Акынбек Эргешов “Азаттыкка” билдирди. «Жылуулук тартуулаңыз» деп аталган акцияга жардам бергиси келген тургундар уюмга бир кап көмүрдүн акчасын – 250 сом тапшырышы керек. Натыйжада андан чогулган каражатка Ош шаарында, калаа жакасында жашаган 30 үй-бүлөгө көмүр сатып берүүгө жумшалат. Алар көп балалуу, жалгыз бой, мүмкүнчүлүгү чектелген үй-бүлөлөр.

Акциянын уюштуруучулары бир үйгө кеминде бир тоннадан акысыз көмүр түшүрүп берүүнү пландашкан. Иш-чара ноябрга чейин уланат.

«Элим барсыңбы?» коомдук кайрымдуулук фонду былтыр да ушул маалда Ошто 20 аялуу үй-бүлөгө бир тоннадан көмүр тушүрүп берип жардам кылган. Алар бул акцияны быйыл өлкөнүн башка аймактарында да өткөрүүнү пландашууда.

Учурда Ош аймагындагы көмүр кендери казылган жерде анын баасы 1 кг – 2 сом 50 тыйын, ал эми шаардын айланасында 3-4 сомдон сатылууда. Быйыл көмүр сатып алуучулардын аздыгынан былтыркыга караганда көмүр арзан. Муну адистер соңку акча кунунун кетиши менен калкта каражат жок калгандыгы менен байланыштырууда. (ErN)

Азаттык Фейсбукта

XS
SM
MD
LG