Линктер

logo-print
дүйшөмбү, 5-декабрь, 2016 Бишкек убактысы 18:35

“Макмалалтындагы” уурулук боюнча кылмыш иши козголду


Улуттук коопсуздук боюнча мамлекеттик комитеттин коррупцияга каршы күрөшүү кызматы “Макмалалтын” ишканасында алтын уурдоо фактысын аныктап, кылмыш ишин козгоду. Маалыматка караганда, текшерүүлөрдүн жүрүшүндө 1 кг 14 грамм алтын жоголгону аныкталган. Натыйжада мамлекетке 2 миллион 491 миң сом зыян келтирилген.

Мурдараак “Кыргызалтын” ишканасы да комиссия түзүп, алтындар компаниянын жооптуу кызматкерлери тарабынан кымырылып кетиши ыктымал экендиги белгиленген.

Факт боюнча Кылмыш-жаза кодексинин 221-беренеси (кызмат абалынан кыянат пайдалануу) жана 164-берене (уурдоо) боюнча кылмыш иши ачылды.

“Макмалалтын” комбинаты Тогуз-Тородо жайгашкан. Ал жерден уурдалган алтын УКМК аныктаган көлөмдөн бир канча эсе көп болушу мүмкүндүгүн көз карандысыз эксперттер билдирүүдө.

Өкмөт быйыл жайында "Макмалалтын" комбинатынын жетекчилигин алмаштырган. (SE)

Азаттык Фейсбукта

XS
SM
MD
LG