Линктер

logo-print
дүйшөмбү, 05-декабрь, 2016 Бишкек убактысы 16:34

Иран Франкфуртта болчу китеп жарманкесине бойкот жарыялады


Салман Рушди "эки жыл сегиз ай жана жыйырма сегиз түн" деген акыркы чыгармасынын жүз ачарында. Мадрид, 6-октябрь 2015

Салман Рушди "эки жыл сегиз ай жана жыйырма сегиз түн" деген акыркы чыгармасынын жүз ачарында. Мадрид, 6-октябрь 2015

Себеби жарманкеде теги индиялык британ жазуучусу Салман Рушди конок катары сөз сүйлөгөнгө чакырылган. 1989-жылы Салман Рушдинин “Шайтандын аяттары” деген романы чыккандан кийин Ирандын көсөмү, Аятолла Хомейни чыгарма “исламды каралайт” деп, жазуучуну өлүм жазасына тартуу жөнүндө фатва чыгарган. Хомейни 1989-жылы дүйнө салган. Бирок анын мураскери Аятолла Али Хаменейи 2005-жылы фатва күчүндө кала берерин билдирген.

Ирандын маданият министринин орун басары Абас Салехинин өкмөттүк ИСНА агенттигине айтышынча, Германиядагы китеп жарманкесинин уюштуруучуларына нааразылык каты жөнөтүлгөн. Франкфурттагы жарманке дүйнөдөгү эң чоң китеп жарманке саналат. Ал 14-18-октябрда өтөт.

Азаттык Фейсбукта

XS
SM
MD
LG