Түркия аба мейкиндигин Орусиянын болочокто бузушуна жол бербөө үчүн аскерий деңгээлде жолугушууну сунуш кылды. Тышкы иштер министрлигинин өкүлү Танжу Билгич орусиялык истребителдер дем алыш күндөрү Түркиянын аба мейкиндигин бузганына байланыштуу Анкарадагы Орусиянын элчиси 6-октябрда үчүнчү жолу министрликке түшүндүрмө берүү үчүн чакырылганын да маалымдады. Ал орусиялык масс-медианын Москванын Сириядагы аракеттерин координациялоо үчүн Анкара “жумушчу топ” түзүүнү сунуш кылды деген кабарын жокко чыгарды.
