Ош шаарынын Алмалык айылында көчкү басып калуу коркунучунда калган 25 кожолукка ӨКМ мобилдик турак үйлөрдү берди. Бул тууралуу аталган министрликтен кабарлашты. Мобилдик үйлөр мурда орнотулган чатырлардын ордуна кышка карата берилди. Ал эми жергиликтүү бийлик ал үйлөрдү электр энергиясы менен камсыздамакчы.
13-сентябрда Ош шаарынан 30 чакырым алыстагы Алмалык айылында көлөмү 5 миллион м³ болгон көчкү турак үйлөргө жакындап келгендиктен 25 кожолук коопсуз жайга көчүрүлгөн болчу. (YI)
