Бул тууралуу Ош областтык казыяттан маалымдашты. Бүгүн Сауд Арабияга ажылык сапарга кеткен кыргызстандык зыяратчылардын акыркы тобу Ош шаарына кайтып келди. Ош шаары жана Ош облусунан Мекеге кеткен 1 421 зыяратчы түгөл келип бүттү.
Ажылар Жидда-Ош, Ош-Медина багыты боюнча 28-сентябрдан бери учуп келишүүдө. Быйыл Кыргызстандан ажылык сапарга алгач 3 685 киши кеткен. Андан соң дагы 500 квота бөлүнгөн.
Бул ирет Мекеде бир нече кырсык катталып, жүздөгөн зыяратчылар каза болду. Муфтият кыргызстандык ажылардын баары аман-эсен экенин билдирген. (ErN)
