Ирак аскерлери “Ислам мамлекети” террордук тобунан бошотулган Байжи шаарында адамдар жапырт көмүлгөн 19 мүрзө табышты. Интерфакс тараткан кабарга ылайык, жалпысынан 365 адамдын сөөгү чыккан. Алар согушкерлер болушу ыктымалдыгы айтылууда.
Байжи шаары акыркы үч жылда согушкерлердин колунда болду. Ирак күчтөрү ушул күндөрү айрым райондордо террорчуларга каршы күрөштү улантууда.
