Нобель сыйлыгынын лауреаты Саймон Кузнец атындагы алтын медаль менен “Заманбап экономикалык теорияга кошкон салымы үчүн” Кыргызстандын биринчи президенти Аскар Акаев сыйланды.
Сыйлык Москвада эл аралык “Глобалистика-2015” илимий конгрессинде берилди.
Конгрессте Акаев экономикалык кризистен чыгуу жана туруктуу өнүгүүнү камсыз кылуу, жаңы энерго-экологиялык стратегияны иштеп чыгуу, коомдогу кирешелердин теңсиздиги тууралуу үч темада баяндама жасады.
Бул сыйлыкты 2012-жылы Саймон Кузнец атындагы эл аралык өнүгүү институтунда 15 мамлекеттен келген 122 алдыңкы окумуштуулар түптөгөн. Аскар Акаев анын бешинчи лауреаты.
Саймон Кузнец өзү экономика жаатындагы Нобель сыйлыгына 1971-жылы татыган. (LzT)
