Линктер

ишемби, 10-декабрь, 2016 Бишкек убактысы 22:44

Чыныбай Турсунбеков: Коалицияга ким кирип, ким калары эртең белгилүү болот


КСДП лидери Чыныбай Турсунбеков “Азаттыкка” коалиция түзүү боюнча тийиштүү каттар бардык фракция лидерлерине жөнөтүлүп, ушул тапта өз ара сүйлөшүүлөр жүрүп жатканын, эртең “Өнүгүү-прогресс” фракциясынын лидери Бакыт Төрөбаев менен сүйлөшүү болгон соң коалицияга кимдер кирип, кимдер калары чечилерин билдирди.

“Бүгүн "Республика-Ата Журттун” лидери Өмүрбек Бабанов менен сүйлөштүк. Ал менен Жогорку Кеңештин, өкмөттүн түзүмү боюнча бир пикирге келдик, ал эми курамы боюнча сүйлөшөбүз дедик. “Бир-болдун” лидери Алтынбек Сулайманов менен да пикир алыштым. Принцибинде коалицияга кирүүгө макулдуктар көпчүлүктөн бар”,-дейт Турсунбеков.

29-октябрда көпчүлүк коалицияга кирүү чечимин “Ата Мекен” жана “Кыргызстан” партиялары билдирген.

Алдын-ала маалыматтарга караганда, коалицияга КСДП, “Ата Мекен”, “Кыргызстан”, “Өнүгүү-прогресс” фракциялары кирип, “Республика-Ата Журт” жана “Бир бол” фракциялары оппозицияда калары айтылууда.

Кечээ президент коалиция куроо мандатын КСДП фракциясына тапшырган. (AzK)

Азаттык Фейсбукта

пикирлерди көрсөт

XS
SM
MD
LG