Линктер

шаршемби, 18-январь, 2017 Бишкек убактысы 10:22

АКШнын Мамлекеттик департаментинин жогорку даражалуу кызматкери Виктория Нуланддын айтуусунда, Орусия Хомс жана Хама шаарларына жакын жерге артиллериясын жайгаштырды. Москва Сириянын куралдуу күчтөрүнүн чабуулун колдоо максатында аскерлеринин санын да көбөйтүүдө.

Күнүнө 2-4 млн. долларга турган Орусиянын аба соккуларын Виктория Нуланд “уятсыздык” катары баалап, соккулар жөнжай жарандар жашаган аймактарга тийип жатканын билдирди.

Виктория Нуланд жана дагы бир жогорку даражалуу дипломат Энн Паттерсон 4-ноябрда АКШ конгрессинин өкүлчүлүктөр палатасынын тышкы иштер боюнча комитетинде сөз сүйлөштү. Комитетте АКШнын Сириядагы стратегиясы кескин сынга кабылды. Американын өкүлдөрү азыркы учурда Сирияда 4 миңдин тегерегинде орус аскери жайгаштырылганын билдиришти. (AiT)

Азаттык Фейсбукта

пикирлерди көрсөт

XS
SM
MD
LG