Бухарест шаарындагы клубда ондогон адамдын өмүрүн алган өрткө байланыштуу Румынияда алты күндөн бери наарaзылык акциялары уланууда. 30-октябрдагы кырсыкта жабыркап, ооруканага түшкөн кишилер арасынан дагы 4 адам каза болуп, жалпысынан көз жумгандар саны 45 кишиге жетти. Дагы жүздөй адам ооруканада жатат. Кырк кишинин абалы оор.
Маалыматтарга караганда, өрт фейерверк-шоу учурунда чыккан. Фейерверк жалыны курулуш-көбүгүнө тийип, өрт чыккан учурда кишилер дүрбөлөңгө түшкөн. Клубда бир гана эшик болгондуктан, адамдар имарат ичинде камалып калган. (SE)
