Муктаж болгондордун мамлекеттен жөлөкпул алуу ишин жөнөкөйлөтүш керек. Мындай талап бүгүн парламенттин жыйынында айтылды. Депутат Айнуру Алтыбаева Баатыр энелер 1000 сомдук жөлөкпул алыш үчүн маалымдама чогултуп 5-6 ай убара тартып жатканын айтып:
- Эмне себептен көп бала төрөп, чоңойтконун тастыктаган "Баатыр эне" күбөлүгүн гана көрсөтүп койсо болбойт? - деп суроо койду.
Ошону менен катар депутат майып адамдардын жыл сайын атайын комиссиядан өтүү убарасына да көңүл буруп, муну жеңилдетүү керектигин билдирди. (RK)