17-ноябрда Бишкектеги Дөлөн Өмүрзаков атындагы стадиондогу оюнда Кыргызстандын футбол боюнча курама командасы Иордания курамасын 1:0 эсебинде утуп алды.
Голду оюндун экинчи бөлүгүнүн башында Антон Землянухин киргизди. Бул оюндан кийин Кыргызстан командасы 11 упай топтоп, үчүнчү орунда турат. Дүйнө чемпионатына тандалма оюндардын дагы бирин Кыргызстан командасы келерки жылы март айында Тажикстан курамасы менен Дүйшөмбү шаарында өткөрөт.
