17-ноябрда өкмөт башчы Темир Сариев Евразия өнүктүрүү банкынын Бишкектеги өкүлчүлүгүнүн жетекчиси Андрей Широковду кабыл алды. Анда Токтогул ГЭСин реабилитациялоого 100 млн. доллар жана Камбар-Ата-2 ГЭСинин экинчи агрегатын куруу үчүн дагы 100 млн. доллар бөлүү жөнүндө сөз болду.
Темир Сариев бул каражаттардын бөлүнүшү республиканын энергетикалык тармагы үчүн маанилүү экенин белгиледи. Бул тууралуу өкмөттүн маалымат кызматынан кабарлашты.
