Линктер

бейшемби, 8-декабрь, 2016 Бишкек убактысы 06:05

Орусиянын Башкы прокурору Аблязов Казакстанга берилбесин билдирди


Башкы прокурор Юрий Чайка Франция казакстандык магнат жана оппозиция лидери Мухтар Аблязовду Орусияга өткөрүп берсе, анда Москва аны Казакстанга өткөрүп бербей, Орусияда сот жообуна тартарын 19-ноябрда билдирди.

Француз бийлиги Аблязовду Орусияга өткөрүп берүүнү сентябрь айында чечкен. Казакстандагы ВТА банкынын мурунку жетекчиси Аблязовго Казакстан, Орусия жана Украина издөө жарыялаган. Ал 5 млрд. долларды уурдап кеткен деп айыпталууда.

Мухтар Аблязов өз кезегинде айыптоолорду четке кагып, анын саясий мотивдери бар деп билдирүүдө. Аблязов 2013-жылы Францияда кармалган. Казакстан менен Франциянын ортосунда кылмышкерлерди өткөрүп берүү келишими жок. Ал эми Орусия жана Украина менен Казакстан ортосунда андай келишим бар. (AiT)

Азаттык Фейсбукта

XS
SM
MD
LG