Кыргызстан парламенти “Адам органдарын жана ткандарын транплантациялоо” тууралуу мыйзам кабыл алды. Саламаттык сактоо министри Талант Батыралиевдин айтымында, бул мыйзамдын иштөөсүн колдоого алып, республикадагы органдарын трансплантациялоого муктаж жарандарга жардам берүү керек. Азыркы кезде Кыргызстанда бюджеттин колдоосу менен бөйрөгү оору 587 адам диализ алат. Чет өлкөлөргө барып, органдарын алмаштырууга зарыгып жүргөндөр андан көп, деп белгиледи Батыралиев. Адам органдарын жана ткандарын трансплантациялоого уруксат берүү медицина тармагынын криминалдашуусуна алып келет, деген дарыгерлер да бар. (AiT)
