Линктер

шаршемби, 7-декабрь, 2016 Бишкек убактысы 02:20

Азербайжанда мунай кенинде жоголгондор изделүүдө


“Гүнешли” кениндеги өрт чыккан жер

“Гүнешли” кениндеги өрт чыккан жер

Азербайжандын мамлекеттик мунай компаниясы – СОКАРдын расмий өкүлү Каспий деңизиндеги кырсык болгон платформада иштеген 29 киши табыла электигин билдирди. 4-декабрдын кечинде катуу шамалдан улам мунай бургулоочу комплексте өрт чыккан. Компаниянын башкы инженери Балдамирза Алирагимов бүгүн да өрт өчүрүүчүлөр “Гүнешли” кениндеги өрттү ооздуктоого аракеттенишүүдө деп билдирди.

5-декабрда Азербайжандын Мунайчылардын укуктарын коргоо комитетинин жетекчиси Мирвари Гахраманлы 32 жумушчу набыт кеткенин, 42си куткарылганын маалымдаган. СОКАР жекшембиде азырынча эки кишинин сөөгү табылганын, 33ү куткарылганын ырастады.

СОКАРдын вице-президенти Хошбахт Юсифзаде 6-декабрь күнкү Бакудагы пресс-конференцияда жарылуунун жагдайы туурасында мына буларга токтолду:

- Газды платформага жеткирген түтүктөрдүн бири катуу толкундун күчүн көтөрө албай жарылып кеткен. Ал жарылуунун мунай платформасына же болбосо бургулоочу жайга эч кандай байланышы жок. (KJ)

Азаттык Фейсбукта

XS
SM
MD
LG