Линктер

шаршемби, 7-декабрь, 2016 Бишкек убактысы 22:32

Өкмөт башчы аскердеги абалды талкуулады


Премьер-министр Темир Сариев бүгүн Коргоо боюнча мамлекеттик комитеттин төрагасы Марат Кенжисариевди кабыл алып, аталган мекеме алдында Куралдуу күчтөрдүн жеке курамын жана материалдык-техникалык сапатын жакшыртуу боюнча чоң жоопкерчилик турганын билдирди. Өкмөт башчы ошондой эле армиядагы тартипти күчөтүүгө өзгөчө көңүл буруу зарылдыгын айтты.

- 2014-жылы 7 аскер өз жанын кыйса, быйыл бир жоокер каза болду. Тартипке өзгөчө көңүл буруп, аскерлер арасында уставдык эмес мамилелерди толугу менен жок кылуу керек, - деди Темир Сариев.

Премьер-министр командирлердин жоопкерчилигин күчөтүү жана жоокерлердин аскердик-саясий даярдыгын жогорулатуу тапшырмасын берип, өкмөт аскер кызматкерлерин турак-жай менен камсыз кылуу, аскердик-техникалык базасын чыңдоону улантарын маалымдады.

Коргоо иштери боюнча мамлекеттик комитеттин төрагасы Марат Кенжисариевдин айтымында, учурда жарандарды аскерге чакырууда алардын психикалык саламаттыгы жана даярдыгына өзгөчө көңүл бурулууда. (RK)

Азаттык Фейсбукта

пикирлерди көрсөт

XS
SM
MD
LG