Кыргыз өкмөтү Улуттук банк менен биргеликте өлкө ичинде доллардын жүгүртүлүшүн чектөө боюнча экономикалык жана социалдык чаралар системасын иштеп чыкканы жатат. Бул тууралуу бүгүн Бишкекте маалымат жыйынында экономика министринин орун басары Данияр Иманалиев билдирди. Ошону менен катар валюта базарындагы абалды турукташтыруу жолдору каралып жатканы айтылды.
Расмий маалымат боюнча Кыргызстанда жыл башынан бери АКШ доллары өз позициясын башка валюталарга карата дээрлик 27% бекемдеди. (RK)
