Линктер

logo-print
шейшемби, 6-декабрь, 2016 Бишкек убактысы 02:58

Президент Түркмөнстан, Кувейт жана Катарга барат


Президент Алмазбек Атамбаев бүгүнтөн тарта 15-декабрга чейин Түркмөнстан, Кувейт жана Катар мамлекеттеринде сапарда болот. Бул тууралуу мамлекет башчынын маалымат кызматынан кабарлашты.

Ашхабадда президент Түркмөнстандын башчысы Гурбангулы Бердымухамедов менен жолугуп, «Бейтараптык саясаты: Эл аралык коомчулук тынчтык, коопсуздук жана өнүгүү үчүн» эл аралык конференциясынын ачылыш салтанатына катышат.

Түркмөнстандын борборунда ошондой эле Алмазбек Атамбаевдин Грузия президенти Георгий Маргвелашвили менен жолугушуусу өтөт.

12-14-декабрда президент Кувейтте болуп, бул өлкөнүн жетекчилери менен жолугат жана кыргыз-кувейт инвестициялык форумунун биринчи жыйынына катышат. Сапар жыйынтыгы боюнча соода-экономикалык, маданий-гуманитардык байланышты бекемдөөгө багытталган эки тараптуу келишимдерге кол коюлат.

14-15-декабрда Алмазбек Атамбаев Катарда бул өлкөнүн эмири Тамим бин Хамад Ал Тани менен сүйлөшүү жүргүзүп, Кыргызстанга инвестиция тартуу, экономикалык жана маданий байланыштарды бекемдөө жолдорун талкуулайт. (RK)

Азаттык Фейсбукта

XS
SM
MD
LG