Линктер

шаршемби, 26-апрель, 2017 Бишкек убактысы 18:22

Биринчи жолу Сауд Арабияда муниципалдык кеңешке аял киши депутат болуп шайланды. Королдуктун шайлоо комиссиясы ишемби күнү өткөн шайлоонун жыйынтыгында Салма бинт Хизаб аль-Отейби Мекке провинциясында мандат алганын билдирди. Бул Сауд Арабиянын тарыхында аялдар добуш берген жана талапкер катары катышкан биринчи саясий жараян. Шайлоонун толук жыйынтыгы бүгүн кечинде жарыяланат.

Жалпы 6 миңге жакын талапкердин ичинен 978и аялдар болгон. Бул аймактын эрежелерине ылайык, үгүт кампаниясында аял талапкер эркек шайлоочулары менен түзмө-түз жолугуша албайт, алардын иш-пландарын элге эркек өкүлдөрү алып чыгышы керек.

Сауд Арабияда шайлоо чанда гана болот. Бул Сауд Арабиянын тарыхындагы үчүнчү шайлоо. 1965-жылдан 2005-жылга чейин ал жакта бир да шайлоо болгон эмес. Ал эми аялдарды шайлоого катыштырууга маркум падыша Абдалла 2011-жылы уруксат берген. (КЕ)

Азаттык Фейсбукта

XS
SM
MD
LG